बिलिंग पद्धत

सर्वसाधारण बिलिंगची पद्धत दर दोन महिन्यांनी गॅसच्या वापरासाठी देयक तयार करणे अशी आहे. पहिले देयक मीटर रिडींगप्रमाणे गॅसच्या प्रत्यक्ष वापरावर असते. दुसरे देयक निर्धारित तत्त्वावर असते. त्यानंतर बिलिंगच्या चक्राची प्रत्यक्ष रिडींग आणि निर्धारित रिडींग अशी एकाआड एक पुनरावृत्ती केली जाते.

(A) आणि (E) कशाचे प्रतिनिधीक आहेत?

आधीच्या/बंद रिडींग नंतरचे अक्षर (A) दर्शविते की हे एक निर्धारित रिडींग आहे. जेव्हा जेव्हा प्रत्यक्ष रिडींग कोणत्याही कारणाने उपलब्ध नसते, तेव्हा देयक अंदाजे तत्त्वावर तयार केले जाते. या बाबतीत, देयकात दिलेल्या आधीच्या/बंद रिडींग नंतर अक्षर (E) दर्शविले जाते. अंदाजासाठी, शेवटच्या ६ देयकांची सरासरी घेतली जाते. ज्या बाबतींमध्ये गॅसचा वापर एक वर्षापेक्षा कमी आधी सुरू झाला आणि ३ पेक्षा कमी प्रत्यक्ष देयके तयार करण्यात आली, तर सरासरी गॅस वापरावरून अंदाज केला जातो.

लक्षात ठेवा: तुमच्या देयकावर बंद रिडींगनंतर जर (A) किंवा (E) काहीच नमूद केलेले नसेल तर तुमचे देयक प्रत्यक्ष मीटर रिडींगवर आधारित आहे. प्रत्यक्ष देयकाच्या मागच्या बाजूवर, मीटरचे चित्र दिले जाते.

तीन दर टप्पे

जेवढा तुम्ही अधिक वापराल, तेवढा दर जास्त:
सध्या (जुलै २०१६ मध्ये असल्याप्रमाणे) दराचे ३ टप्पे आहेत.
टप्पा I = रु. २१.९६/एससीएम, टप्पा II = रु. २६.०१/एससीएम, टप्पा III = रु. ३३.३६/एससीएम.
(एससीएम – स्टँडर्ड क्युबिक मीटर) . टप्पा III चे दर दर महिन्यागणिक बदलतात.